Kompaniyalar va brendlar uchun asosiy tadbir – to‘rtinchi MAKON marketing biznes-forumi va 5-yil brendi – 2021 mukofoti bo‘lib o‘tdi. 25 nominatsiya bo‘yicha g‘oliblar aniqlandi.
MAKON – marketing va PR mutaxassislari uchun mamlakatdagi eng yirik forumdir. Forumda Italiya, Rossiya, Qozog‘istondan 5 nafar taniqli ekspertlar va 6 nafar mahalliy ma’ruzachilar so‘zga chiqib, bozorning eng dolzarb mavzularini ochib berdilar. Yil brendi – O‘zbekistonda eng mashhur brendlarni jamoat va soxa yetakchilari tanlab oladigan an’anaviy va nufuzli mukofotidir. Mukofot keng tarqalgan maxsulot va xizmat ko’rsatuvchi korxonalar yetakchilariga topshiriladi. Joriy yilda ovoz berishda rekord darajadagi foydalanuvchilar ishtirok etdi – 698 431 nafar akkaunt roʻyxatga olingan.
