Bosh sahifa Экспатам

«Kapitalingizni ko‘paytirish uchun tanlanadigan ko‘chmas mulk»

Xorijiy xaridorlar uchun to‘liq qo‘llanma: ilk qadamdan mulk huquqini ro‘yxatdan o‘tkazishgacha

NEGA AYNAN O‘ZBEKISTON

Iqtisodiyot mintaqadan ko‘ra yuqori sur’atlarda o‘smoqda.

2025-yilda O‘zbekiston YAIMi 7,7 foizga o‘sdi — bu 2021-yildan buyon qayd etilgan eng yuqori ko‘rsatkichdir. Mamlakat Yevropa va Markaziy Osiyodagi eng tez rivojlanayotgan uchta iqtisodiyotdan biri hisoblanadi. Bu esa uy-joyga bo‘lgan talab va aktivlar qiymati izchil oshib borayotganini anglatadi.

Yangi qurilgan uy-joylar narxi barqaror o‘sib bormoqda.

2025-yilda Toshkentdagi yangi qurilgan turar joylar narxi 9 foizdan ortiq oshdi. Eng yuqori o‘sish Mirobod (+18%), Yashnobod (+14%) hamda Mirzo Ulug‘bek tumanida (+13,5%) qayd etildi.

Rekord darajadagi faollik.

2025-yil dekabr oyida ko‘chmas mulk bozoridagi bitimlar tarixiy rekordni yangiladi — bir oy davomida 31 mingdan ortiq bitim tuzildi. Bu avvalgi yilga nisbatan uchdan bir qismga ko‘pdir. Yil yakunida oldi-sotdi shartnomalari soni 15 foizdan ortiq oshib, 295 mingga yetdi.

O‘sish salohiyati.

Toshkentdagi biznes toifadagi ko‘chmas mulk Dubay, Moskva yoki Istanbuldagi shunga o‘xshash obyektlarga nisbatan 2–4 baravar arzon. Shu bilan birga, mamlakat iqtisodiyoti yiliga 7,7 foiz sur’at bilan o‘smoqda. Demak, sarmoya uchun qulay imkoniyatlar hali ham bor.

Yosh aholi = barqaror talab.

O‘zbekiston MDHdagi eng yosh davlatlardan biridir. Aholining o‘rtacha yoshi qariyb 29 yoshni tashkil etadi, umumiy aholi soni esa 37 mln dan oshgan. Bu esa uy-joyga bo‘lgan barqaror talabni ta’minlaydi.

HUQUQIY ASOS

«Xarid qilish huquqingiz qonun bilan kafolatlangan»

Quyidagi havola orqali fuqarolari O‘zbekistonda ko‘chmas mulk sotib olish huquqiga ega bo‘lgan davlatlar ro‘yxati bilan tanishishingiz mumkin.

Vazirlar Mahkamasining 2022-yil 13-iyuldagi 384-sonli qarori — fuqarolari yashash uchun ruxsatnomasiz yangi qurilgan uy-joylarni sotib olish huquqiga ega bo‘lgan davlatlar ro‘yxati.

Manba: lex.uz

MUHIM SHART

Xorijiy fuqaro ko‘chmas mulkni qurilish davrida tuzilgan shartnomalar asosida sotib olayotganda O‘zbekiston so‘midagi ekvivalentda kamida 150 000 AQSh dollari miqdoridagi summani, foydalanishga topshirilgan ko‘chmas mulk obyektlarini sotib olayotganda esa kamida 180 000 AQSh dollari ekvivalentidagi summani to‘laydi;

Quruvchidan qurilayotgan yangi uy-joy

от 150 000 $

Quruvchidan tayyor uy-joy

от 180 000 $

Ko‘rsatilgan summalar bitta ko‘chmas mulk obyektini xarid qilish uchun belgilangan minimal qiymat hisoblanadi. Belgilangan limitga mos kelishi uchun bir nechta obyekt qiymatini qo‘shib hisoblash mumkin emas. 150 000 AQSh dollari va undan yuqori qiymatdagi ko‘chmas mulkni xarid qilish avtomatik ravishda yashash uchun ruxsatnoma olish huquqini bermaydi.

«O‘zbekistonda yashashni xohlaysizmi? Yashash uchun ruxsatnoma oling»

Ushbu bo‘lim ko‘chmas mulk xaridini O‘zbekistonga ko‘chib o‘tish yo‘lidagi ilk qadam sifatida ko‘rayotganlar uchun mo‘ljallangan.

Yashash uchun ruxsatnoma olish uchun minimal summa

от 300 000 $

Yashash uchun ruxsatnoma olgandan keyingi afzalliklar:

Belgilangan cheklovlarsiz, fuqarolar bilan teng huquqda ko‘chmas mulk xarid qilish
Uzoq muddat O‘zbekistonda yashash huquqi
Ishlash uchun ruxsatnoma olish zaruratining yo‘qligi
Biznes yuritish uchun qulay shartlar

Yashash uchun ruxsatnoma 5 yilgacha amal qiladi va uning muddati uzaytirilishi mumkin

«Norezident uchun nimalar mumkin — ochiq va shaffof»

Mumkin

Qurilish bosqichidagi yangi turar joylardan kvartira
va apartamentlar

Foydalanishga topshirilgan uylardagi
tayyor kvartiralar

Turar joy majmualaridagi hovli uylar va villalar

Mumkin emas

Yer uchastkalari

Agar fuqaroning davlati Vazirlar Mahkamasi tasdiqlagan ro‘yxatga kirmasa, ko‘chmas mulk xarid qilish

Manba: lex.uz

BOSQICHMA-BOSQICH YO‘RIQNOMA

Murad Buildings'da ko‘chmas mulk xaridi qanday amalga oshiriladi: 5 ta qadam

1-qadam — tanishuv uchun ariza qoldirish

Saytimizda ariza qoldiring. Biz siz bilan bog‘lanamiz, maydon, qavat, byudjet va boshqa istaklaringizni aniqlab, loyihalar portfelimizdan sizga mos variantlarni taklif qilamiz.

2-qadam — kichik ta'til: Toshkentga tashrif

Sizni Toshkentga shaxsan tashrif buyurishga taklif qilamiz. Tashrif davomida obyektlarimiz bo‘ylab ekskursiya tashkil qilamiz. Murad Buildings ofisida jamoamiz bilan uchrashib, o‘zingizga ma'qul bo‘lgan xonadonni tanlaysiz.

Tashrifga tayyorgarlik!

Har qanday ta’til kabi, bu tashrifga ham oldindan tayyorgarlik ko‘rish zarur. Axir biz sizning quruq qo‘l bilan qaytib ketishingizni istamaymiz!

O‘zingiz bilan quyidagi hujjatlarni olib kelishingiz kerak:

- xorijga chiqish pasporti; - pul mablag‘larining kelib chiqish manbaini tasdiqlovchi hujjatlar:
so‘nggi 1–2 yil uchun daromad to‘g‘risidagi ma'lumotnoma yoki soliq deklaratsiyasi;
- so‘nggi 6–12 oy uchun bank hisobvaraqlaridan ko‘chirma;
- pul mablag‘larining kelib chiqish manbaini tasdiqlovchi hujjatlar (mulkni sotish, dividendlar, meros, jamg‘arma va boshqalar);
Barcha hujjatlarni rus yoki o‘zbek tiliga notarial tasdiqlangan tarjima bilan taqdim etishingiz kerak;

3-qadam — biroz yoqimli byurokratiya.

Vaqtincha ro‘yxatdan o‘tish, JShShIR va bank kartasini rasmiylashtirish. 
Bitimni amalga oshirish uchun xorijiy fuqaro avvalo vaqtincha yashash joyi bo‘yicha ro‘yxatdan o‘tishi kerak (agar mehmonxonada tursangiz, ro‘yxatdan o‘tishni resepshnda rasmiylashtirishingiz mumkin). Shundan keyin O‘zbekistondagi jismoniy shaxsning shaxsiy identifikatsiya raqami — JShShIR olasiz. Uni o‘rtacha 2 ish kunida rasmiylashtirishingiz mumkin. JShShIR olgach, bitim bo‘yicha naqdsiz hisob-kitobni amalga oshirish uchun bank kartasi ochasiz.

4-qadam — ulushli qurilishda ishtirok etish shartnomasini rasmiylashtirish, imzolash va to‘lovni amalga oshirish.

Barcha hujjatlar tayyor bo‘lgach, ulushli qurilishda ishtirok etish shartnomasi imzolanadi. To‘lovni amalga oshirish uchun bank kassasi bevosita ofisimizda joylashgan, shu sababli boshqa joyga borishingizga hojat qolmaydi. Lekin ayrim jihatlarga e'tibor qaratishingiz kerak:
1- 1. Naqd pul bilan kelgan bo‘lsangiz, pul mablag‘larining kelib chiqish manbaini tasdiqlovchi hujjatlar talab etiladi  
2- 2. To‘lovni xorijdagi bank hisobingizdan bank o‘tkazmasi orqali amalga oshirishni rejalashtirayotgan bo‘lsangiz, shunchaki hujjatlarni imzolaysiz va biz sizga to‘lov uchun hisob-fakturani taqdim etamiz.

5-qadam — kompaniyaning axborot kanallariga ulanish.

Shartnoma imzolangach, siz Murad Buildings’ning yopiq Telegram chatiga kirish imkoniyatiga ega bo‘lasiz. Bu yerda qurilish jarayoni bo‘yicha foto hisobotlar hamda loyiha haqidagi eng so‘nggi yangiliklar muntazam e’lon qilib boriladi.

1 qadam
2 qadam
3 qadam
4 qadam
5 qadam

FAQ

Ko‘p beriladigan savollar

Yangi qurilgan uy-joyni sotib olish uchun yashash uchun ruxsatnoma kerakmi?

Yo‘q. 2022-yil may oyidan boshlab xorijiy fuqarolar belgilangan minimal summa talablariga rioya qilgan holda va fuqaroligi Vazirlar Mahkamasining 384-son qarorida keltirilgan davlatlar ro‘yxatiga kirsa, yangi qurilgan uy-joylarni yashash uchun ruxsatnomasiz xarid qilishlari mumkin.

Pul mablag‘larining kelib chiqish manbaini tasdiqlash uchun qanday hujjatlar kerak?

Daromad to‘g‘risidagi ma’lumotnoma, soliq deklaratsiyasi, so‘nggi 6–12 oy uchun bank hisobvaraqlaridan ko‘chirmalar, mol-mulkni sotish yoki boshqa daromad manbalarini tasdiqlovchi hujjatlar.
Barcha hujjatlar o‘zbek yoki rus tiliga notarial tasdiqlangan tarjima bilan taqdim etilishi kerak. Bank qaroriga ko‘ra, qo‘shimcha hujjatlar ham talab qilinishi mumkin.

Sotib olingan kvartirani ijaraga berish mumkinmi?

Ha. Xorijiy mulkdorlar ijara daromadidan 12% miqdorida jismoniy shaxslar daromad solig‘ini to‘laydilar. 2022-yildan buyon ushbu stavka rezidentlar uchun amal qiladigan stavka bilan bir xil.

Ipoteka olish mumkinmi?

Hozirda O‘zbekiston banklari xorijiy fuqarolarga ipoteka krediti ajratmaydi. Lekin quruvchi tomonidan taqdim etiladigan muddatli to‘lov imkoniyati bor. Uning shartlari tanlangan loyihaga qarab belgilanadi.