Murad Buildings jamoasi Korporativ Olimpiada doirasida o‘tkazilgan Korporativ chempionat ligasi Kubogi uchun yugurish musobaqasida g‘olib bo‘ldi. Jamoaviy estafetada kompaniya xodimlari yuqori jismoniy tayyorgarlik, hamjihatlik va g‘alabaga bo‘lgan qat’iyatni namoyish etib, marraga birinchi bo‘lib yetib kelishdi hamda oltin medallarni qo‘lga kiritishdi.
Musobaqada turli soha va tashkilotlarning eng kuchli korporativ jamoalari ishtirok etdi. Keskin va murosasiz bahslarda Murad Buildings jamoasi eng yaxshi natijani ko‘rsatib, muvaffaqiyatga nafaqat kasbiy faoliyatda, balki sportda ham erishish mumkinligini yana bir bor isbotladi.
Bunday musobaqalardagi ishtirok sog‘lom turmush tarzini targ‘ib qilish, jamoaviy ruhni mustahkamlash va xodimlarni yangi marralar sari ilhomlantirishga qaratilgan korporativ madaniyatimizning muhim qismidir.
